त्या औषधांना सीडीएससीओ ची मंजुरी नाहीच
सेंट्रल ड्रग्ज स्टँडर्ड कंट्रोल आर्गनायझेशनच्या (सीडीएससीओ) अधिकाऱ्याने सांगितले, कोणतेही नवीन औषध बाजारात येण्याआधी सीडीएससीओकडून मंजुरी घ्यावी लागते. मंजुरी देण्यासाठी सीडीएससीओ औषधाची गुणवत्ता व शरीरावर होणाऱ्या परिणामांचे अध्ययन करते. मात्र या ८० औषधांना बनवण्यासाठी परवानगीच घेण्यात आलेली नाही. स्टेट ड्रग कंट्रोलरने आपल्या पातळीवर कंपन्यांना मंजुरी बहाल केली. ही बाब आता समोर आली आहे.
या कंपन्या करतात या औषधांची निर्मिती
इन्टॉस, अॅबॉट, अॅरिस्टो, अल्केम, मॅनकाइंड, सिप्ला अशा अनेक कंपन्या अशा फिक्स्ड डोस कॉम्बिनेशन औषधे तयार करत असतात. त्यात वेगळ्या औषधी तयार करण्याची गरज पडू नये म्हणून विविध आजारांवरील औषधांना एकत्र करून एकच गोळी बनवत आहेत. अशी औषधे तयार करणे हा विकसित देशांत गुन्हा आहे. मात्र भारत व इतर काही विकसनशील देशांत त्याकडे दुर्लक्ष केले जाते. असे डॉ. के.के. अग्रवाल, माजी अध्यक्ष आयएमए यांनी म्हंटले आहे.