मावळ लोकसभा मतदारसंघातून अजित पुत्र पार्थ पवार, बारामतीतून शरद कन्या सुप्रिया सुळे तर शिरूर मधून अजित पवार आणि माढा लोकसभा मतदारसंघातून खुद्द शरद पवार अशी हि चर्चा मागच्या काही दिवसात भरात आली होती. त्या चर्चेवर स्वतः अजित पवार यांनी पडदा टाकला आहे.
मी बारामती मतदारसंघात जातो म्हणजे मी बारामती मतदारसंघातून लोकसभा लढणार आहे असे होत नाही. त्यामुळे पार्थने मावळ मध्ये जाऊन निवडणूक तयारीचा आढावा घेतला म्हणजे तो तेथून निवडणूक लढणार असा अर्थ होत नाही असे अजित पवार म्हणाले आहेत. जयंत पाटील, धनंजय मुंडे, छगन भुजबळ आम्ही सर्व महाराष्ट्रात फिरतो. आमच्या दौऱ्याचा उद्देश हा कार्यकर्त्यांमध्ये उत्साह वाढवण्याचा असतो याचा अर्थ हा होत नाही कि आम्ही संपूर्ण महाराष्ट्रातून उमेदवार म्हणून उभा राहणार आहे असे अजित पवार म्हणाले आहेत.