अशी आहे लग्नपत्रिका
अतिशय सुंदर अशी ही लग्नपत्रिका पांढऱ्या आणि गुलाबी रंगाच्या बॉक्स मध्ये ठेवली आहे.
ही भली मोठी लग्नपत्रिका खाली ठेवताच गायत्री मंत्राचा सुंदर ध्वनी ऐकायला मिळतो.
आतमध्ये आणखी एक मोठा बॉक्स दिसतो या बॉक्स ला कुलूप आहे.
हे कुलूप उघडताच त्यामध्ये चार छोटे छोटे खजिन्याच्या पेटीच्या आकाराचे सुंदर बॉक्स दिसतात. त्याला सोन्याचे लिंपण केले आहे.
मुकेश अंबानी यांनी पिरामल समुहाचे अध्यक्ष अजय पिरामल यांचा मुलगा आनंद पिरामल यांची जावई म्हणून निवड केली आहे. आनंद आणि ईशा हे दीर्घकाळापासून मित्र आहेत. दोन्ही कुटुंबामध्येही मागील ४० वर्षापासून चांगली संबंध आहेत. त्यांचे लग्न डिसेंबर महिन्यात होणार आहे.
आनंद पिरामल यांनी २०१२ मध्ये पिरामल रियाल्टीची स्थापना केली. आनंद ग्रुप स्ट्रॅटजी, वॅल्यू आणि ऑर्गनायजेशन डेव्लपमेंटसाठी ते सक्रीय आहेत. त्यांनी मुंबई लगतच्या अनेक प्राईम लोकेशनच्या जमिनी खरेदी केल्या आहेत. त्यांनी एक उत्तम टीम बनवली आहे आणि वर्ल्ड क्लास डेव्लपमेंट डिझाईन केले आहे. कंपनीच्या विकासासाठी आनंद यांनी २०१५ मध्ये ४३. ४ कोटी डॉलर गोल्डमॅन सॉक्स आणि वारबर्ग पिनकसमधुन जमवले आहेत. भारतातील ही सगळ्यात मोठी खासगी इक्विटी इन्वेस्टमेंट आहे.