ही सर्व घटना घडल्यानंतर या महिलेने स्वतः रेडिटवर सर्व कहाणी कथन केली आहे. घडला प्रकार सांगून तिने लोकांना याविषयी सल्ला विचारला. नवऱ्याने तिला हजारदा सांगितले की ‘आपले तुझ्यावरच प्रेम आहे.’ परंतु काही केल्या तिला हे पटेना. यानंतर मात्र नवऱ्यानेही कडक भूमिका घेतली आहे. होणारे बाळ मुलगी आहे की नाही हेदेखील त्याला माहित नाही. तरीदेखील होणाऱ्या बाळाला आता आपल्या एक्स-गर्लफ्रेंडचेच नाव द्यायचे असा पवित्रा त्याने घेतला आहे. अर्थात त्या अद्याप न जन्मलेल्या बाळाच्या आईनेही कोणत्याही स्थितीत हे नाव आपल्या बाळाला ठेवू द्यायचे नाही, असा निर्धार केला आहे.
दोघांच्या या ताठर भूमिकेने आता आमचा घटस्फोट होईल की काय, असे वाटू लागले असल्याचे तिने ‘रेडिट’वर म्हटले आहे. रेडीटवर सर्व प्रकार कथन केल्यानंतर आणि लोकांना सल्ला विचारल्यानंतर अनेकांनी तिला फुकटचे सल्ले द्यायला सुरुवातही केली आहे.