म्हाडाच्या घराच्या लाॅटरीविषयी म्हाडाचे अध्यक्ष उदय सामंत यांनी मोठी घोषणा केली आहे. त्यानुसार, मुंबईत 238 घरांसह 107 गाळ्यांसाठी लॉटरी निघणार आहे. तर पुण्यात 4464 घरांसाठी म्हाडाची लॉटरी असेल. तर दुसरीकडे नाशिकमध्ये 1000 घरांसाठी आचारसंहितेच्या आधी लॉटरी निघणार आहे तर औरंगाबादमध्ये 800 घरांसाठी आचारसंहितेनंतर लॉटरी निघणार आहे, अशी माहिती सामंत यांनी दिली.
याबाबत अधिक माहिती देताना कोकणविभागात देखील 9000 घरांची लॉटरी निघणार असल्याचे सामंत यांनी सांगितले आहे. यातील घरे ही कल्याण – डोबिंवली, खोणी, अंतरर्ली या परिसरात असतील अशी माहिती सामंत यांनी दिली आहे.
तर मुंबईतल्या तुंगा पवईतील घरांच्या किंमती कमी होणार आहे असेही सामंत म्हणाले. इतकेच नाही तर, व्यावसायिकांनी 130 कोटींचा कर थकवल्याची माहिती देतानाच, म्हाडाचा कर थकवलेल्या खाजगी बांधकाम व्यावसायिकांविरोधात केस दाखल करणार असल्याचे सामंत म्हणाले.