मैदानावर चौकार व षटकारांची आतषबाजी करणारा कोहली १२ वी पर्यंतच शिकला आहे. क्रिकेटपटू बनण्याचे स्वप्न पूर्ण करण्यासाठी त्याने अभ्यासाकडे पाठ फिरवली आणि क्रिकेटमध्ये इतिहास रचण्याच्या तयारीला लागला. कोहलीने दिल्लीच्या विशाल भारती पब्लिक स्कूलमध्ये शिक्षण घेतले. शाळेत अजूनही त्याचे फोटो लावलेले आहेत.
विराट टॅटूचा शौकिन आहे हे त्याच्या शरिरावर असलेल्या टॅटू्जवरून लक्षात येते. त्याच्या शरिरावर ८ पेक्षा अधिक टॅटू त्याने काढले आहेत.
यंदाचं वर्ष विराट कोहलीसाठी खासच राहिलेलं आहे. कसोटी, वन-डे आणि टी-२० अशा तिन्ही प्रकारांमध्ये विराटने धावांचा अक्षरशः रतीब घातला.
धक्कादायक… टेपचा आवाज वाढविल्याने पोलिसांनी तरूणाला ठार मारले
वन-डे क्रिकेटमध्ये सर्वात जलद शतक झळकावण्याचा विक्रम विराट कोहलीच्या नावावर जमा आहे. २०१३ साली ऑस्ट्रेलियाविरुद्ध जयपूर येथे खेळवण्यात आलेल्या सामन्यात विराटने ५२ चेंडूंमध्ये १०० धावा केल्या होत्या. याआधी हा विक्रम विरेंद्र सेहवागच्या नावे जमा होता, सेहवागने ६० चेंडूत शतक झळकावलं होतं. विराटच्या या शतकी खेळीमुळे भारताने ऑस्ट्रेलियाने दिलेलं ३६० धावांचं आव्हान सहज पूर्ण केलं होतं.
भारत विरुद्ध पाकिस्तान सामन्यांमधली रंगत सर्वांनाच माहिती आहे. याच पारंपरिक प्रतिस्पर्ध्याविरुद्ध विराट कोहलीने वन-डे क्रिकेटमधली सर्वोत्तम धावसंख्या नोंदली आहे. ढाक्यामध्ये झालेल्या सामन्यात विराटने १८३ धावांची खेळी केली होती.
भारताचा कर्णधार विराट कोहलीने आपल्या एकदिवसीय कारकिर्दीतला एक मैलाचा दगड पार केला आहे. त्याने २१६ एकदिवसीय इनिंगमध्ये १० हजार धावा पूर्ण केल्या. विक्रमी खेळी करून ३८ शतके आपल्या नावावर करून घेतली आहेत. असा विक्रम करणार विराट क्रिकेट जगतातील दुसरा फलंदाज आहे.
