दारव्हा (यवतमाळ) : पोलीसनामा ऑनलाईन – समाजात कायदा व सुव्यवस्था आबाधीत ठेवण्याचे काम पोलिसांचे आहे. सामान्य नागरिकांचे रखवालदार म्हणून पोलिसांकडे पाहिले जाते. पोलीस खात्यामध्ये काही पोलीस अधिकारी कर्मचारी इमानदारीने आपले कर्तव्य बजावत असतात. मात्र, काही कामचुकार आणि बेशिस्त पोलिसांमुळे पोलीस खात्याची प्रतिमा मलीन होत आहे. अवैध धंद्यांना लगाम घालायचा सोडून पोलीसच जर जुगार खेळत असतील… ते देखील पोलीस ठाण्यात मग या पोलिसांना म्हणायचे तरी काय असा प्रश्न जनतेला पडला आहे.
जनतेचे रखवालदार असणारे पोलिसच पोलीस ठाण्यात बसून जुगार खेळतानाचा व्हीडीओ व्हायरल झाला. या व्हिडीओची दखल वरिष्ठांनी घेऊन पोलीस ठाण्यात जुगार खेळणाऱ्या पाच पोलिसांना निलंबीत करण्यात आले. हा प्रकार महिन्याभरापूर्वी उघडकीस आला होता. वरिष्ठांना याची खात्री झाल्यानंतर त्यांच्यावर निलंबनाची कारवाई करण्यात आली. या घटनेमुळे यवतामाळ पोलीस दलामध्ये खळबळ उडाली आहे.
बंदोबस्तासाठी तैनात जलद कृती दलाचे जवान येथील पोलीस ठाण्यातच ठाण मांडून जुगार खेळत असल्याचा व्हीडीओ व्हायरल झाला होता. त्यानंतर जनतेतून तीव्र प्रतिक्रिया उमटल्या होत्या. या प्रकरणाच्या चौकशीचे आदेश जिल्हा पोलीस अधीक्षक एम. राज कुमार यांनी दिले होते. त्याबाबतचा अहवाल आल्यानंतर पाच पोलिसांनी निलंबित करण्यात आले.
गोजोली आश्रमशाळेतील विद्यार्थ्याचा मृत्यू
