पुणे : पोलीसनामा ऑनलाइन – पंतप्रधान नरेंद्र मोदी यांनी कितीही भावूक होऊन अश्रु ढाळले तरी पुलवामा येथील दहशतवाद्यांच्या हल्ल्यापेक्षा त्यांना जाहीर सभेत पक्षाचा प्रचार करणे अधिक महत्वाचे वाटत असल्याची टिका राष्ट्रवादी काँग्रेसचे अध्यक्ष शरद पवार यांनी केली आहे.
पुलवामा येथे दहशतवादी हल्ल्यात ४० जवान शहीद झाले. या घटनेनंतर काँग्रेस पक्षासह सर्व विरोधकांनी आपले कार्यक्रम रद्द करुन सरकार व जवानांच्या पाठीशी असल्याचे सांगितले होते. मात्र, पंतप्रधान व भाजपच्या नेत्यांनी त्यांच्या जाहीर सभा सुरु ठेवल्या होत्या. संपूर्ण देश शोकामध्ये बुडाला असताना पंतप्रधानांनी जाहीर सभा घेण्यावर टिका झाली तरी देशभरातील वातावरण पाहून कोणत्याही राजकीय पक्षाने पंतप्रधानांवर टिका केली नव्हती. या जाहीर सभेत पंतप्रधान अतिशय भावुक झाल्याचे दाखवत होते. त्यावरही सोशल मिडियावरुनही जोरदार टिका झाली होती. अनेकांनी त्यांची खिल्ली उडविली होती. या बैठकीतील भाजप व पंतप्रधानांच्या अनुपस्थितीविषयी जाहीरपणे सांगत शरद पवार यांनी पंतप्रधान नरेंद्र मोदी यांच्यावर निशाणा साधला आहे.
सर्व विरोधकांनी सरकार आणि जवानांच्या पाठीशी असल्याचे ठामपणे सांगितले असताना सत्ताधारी पक्ष म्हणून भाजप आणि पंतप्रधानांनी पुलवामा हा विषय किती गांभीर्याने घेतला, हे दिसून आले. हा खरा चिंतेचा विषय आहे, असे म्हणत त्यांनी मोदींवर निशाणा साधला.