मोदींवर घणाघाती हल्ला करताना आणि आरोप करताना राहुल गांधी म्हणाले की, “सुप्रीम कोर्टानं राफेलसंदर्भात किमतीचा उल्लेख करताना कॅगकडे या किमती असल्याचे व पीएसीकडे या किमती असल्याचे सांगितले. परंतु मल्लिकार्जुन खर्गे या पीएसीचे अध्यक्ष असून त्यांना यातलं अक्षरही माहित नसल्याचे सांगितले आणि तसे वदवलेसुद्धा.” इतकेच नाही तर पीएसी ही मोदींच्या कार्यालयात किंवा फ्रान्सच्या संसदेत आहे का अशी कुत्सित टिप्पणीही त्यांनी केल्याचे दिसून आले.
दरम्यान राफेल करारासंदर्भात जॉइंट पार्लमेंटरी कमिटीची व चौकशीची आपली मागणी कायम आहे असेही त्यांनी ठामपणे सांगितल्याचे दिसून आले. मुख्य म्हणजे जेव्हा ही चौकशी होईल त्यावेळी ३० हजार कोटींचा घोटाळा उघड होईल. महत्त्वाचे म्हणजे या घोटाळ्यात नरेंद्र मोदी व अनिल अंबानी ही दोन नावे समोर येणार असा आरोपही त्यांनी केला.