नेहा रात्री स्वतःच्या १२ दिवसांच्या बाळाला दूध पाजत होती. त्यावेळी घराचा दरवाजा खुला होता. त्यावेळी एका माकडानं अचानक घरात प्रवेश केला. नेहाला काही कळण्याआधीच त्यानं बाळाची मान पकडली आणि त्याला उचलून बाहेर घेऊन गेला. नेहाही धावत त्या माकडाच्या मागे पळू लागली. माकड पळत शेजाऱ्याच्या छतावर गेला. नेहाचा आवाज ऐकून लोक घरातून बाहेर आले. सर्वांनी माकडाला पळवण्याचा प्रयत्न केला. त्यावेळी माकडानं त्या चिमुकल्याला फेकून पळ काढला. माकडानं मान पकडल्यामुळे बाळाच्या मानेतून रक्तस्राव होत होता. त्याला लागेच जवळच्या रुग्णालयात दाखल करण्यात आले.
रुग्णालयात पोहोचल्यानंतर डॉक्टरांनी त्याला मृत घोषित केलं. या बाळाची हत्या करण्याआधी माकडांनी या भागात १४ वर्षांच्या मुलीवरही हल्ला केला होता. तेव्हा त्या मुलीलाही दुखापत झाली होती. पोलीस निरीक्षक अतबीर सिंह यांनी मुलाचा मृतदेह शवविच्छेदनासाठी पाठवला आहे. शवविच्छेदनात बाळाच्या डोक्याला आणि गळ्याला गंभीर दुखापत झाली. गेल्या काही दिवसांपासून या भागात माकडांचा उच्छाद वाढला आहे. त्यामुळे नागरिक भीतीग्रस्त आहेत.
