सिंगापूर : वृत्तसंस्था – भारतातील इंडियन प्रीमियर लीगच्या यशानंतर आयसीसीच्या अनेक सदस्यांनी त्यांच्या टी-२० लीग सुरू केल्या आणि त्यातून भ्रष्टाचार होण्याची शक्यता वाढली. याला कुठेतरी लगाम लावायला हवा अशा विचारामुळे जगभरात फोफावलेल्या टी-२० आणि टी-१० लीगचा बंदोबस्त करणे हा विषय आंतरराष्ट्रीय क्रिकेट परिषदेच्या (आयसीसी) आगामी बैठकीत प्रामुख्याने चर्चिला जाणार आहे.अफगाणिस्ताननेही आता आपली टी-२० लीग सुरू केली असून ती सध्या संयुक्त अरब अमिरातीत सुरू आहे. त्यातच आता टी-१० म्हणजे १० षटकांच्या क्रिकेटचीही भर पडली आहे. येत्या १६ ते २० ऑक्टोबर या कालावधीत ही बैठक होणार आहे. त्यात हे मुद्दे चर्चिले जातील.
[amazon_link asins=’B078124279′ template=’ProductCarousel’ store=’policenama-100′ marketplace=’IN’ link_id=’4ffbc501-d10d-11e8-a345-51b2cfc94d15′]
आयसीसीच्या बैठकीआधी त्यांचे क्रिकेट महाव्यवस्थापक जेफ अॅलरडाइस यांनी या वाढत्या लीगमुळे निर्माण झालेला धोका लक्षात आणून देण्याचा प्रयत्न केला. ते म्हणाले की, या बैठकीत आम्ही या लीगची नियमावली आणि त्यांच्या मान्यतेविषयी चर्चा करणार आहोत. शिवाय, या लीगमध्ये खेळण्यासाठी खेळाडूंना परवानगी देण्याचा मुद्दाही चर्चेच असेल. या लीगची कागदपत्रे, करार, त्यांचे मालक, या लीगचा आर्थिक स्रोत या सगळ्यांचा गांभीर्याने विचार करून मगच त्यांना मंजुरी देण्याचा विचार प्राधान्याने होईल. एकूणच कुणीही यावे आणि लीग सुरू करावी असे आता करता येणार नाही. भविष्यात अशा लीगना मंजुरी देताना कठोर निकष पाळावे लागतील. शिवाय, अशा लीगना त्या देशाकडून आणि आयसीसीकडूनही मंजुरी आवश्यक असेल.
कसोटी स्पर्धेबाबत चर्चा
या बैठकीमध्ये जागतिक कसोटी अजिंक्यपद स्पर्धेबाबतही चर्चा होईल. पुढील वर्षी होत असलेल्या वनडे वर्ल्डकपनंतर ही कसोटी स्पर्धा होणार आहे. बीसीसीआयच्या सूत्रांनी दिलेल्या माहितीनुसार या कसोटी स्पर्धेसाठी गुणांचे वाटप कसे असेल हे पाहिले जाईल. त्याशिवाय, २०२८च्या ऑलिम्पिकमध्ये क्रिकेटचा समावेश करण्याविषयीही चर्चा केली जाईल. गेल्या बैठकीतही या मुद्द्यावर चर्चा झाली होती.
दसरा मुहूर्तावर सोन्याला झळाळी …अबब दर झाला एवढा …!
इंद्रा नुयी यांची उपस्थिती
या बैठकीचे आणखी एक वैशिष्ट्य म्हणजे त्यात आयसीसीच्या पहिल्या स्वतंत्र महिला संचालक म्हणून पेप्सीको कंपनीच्या माजी मुख्य कार्यकारी अधिकारी इंद्रा नुयी यादेखील उपस्थित राहणार आहेत. ही त्यांची पहिलीच बैठक असेल. भारताकडून बीसीसीआयचे हंगामी सचिव अमिताभ चौधरी उपस्थित राहतील. बीसीसीआयचे सीईओ राहुल जोहरी यांच्यावर लैंगिक शोषणाचे आरोप झाल्यानंतर त्यांनी त्याचे स्पष्टीकरण देण्यासाठी आणखी वेळ मागून घेतली होती. पण बीसीसीआयच्या प्रशासकांनी त्यांची ही विनंती फेटाळून लावली आहे. त्यामुळे त्यांनी या बैठकीला उपस्थित राहणे टाळले आहे.
[amazon_link asins=’B071HWTHPH,B07DJHV6S7′ template=’ProductCarousel’ store=’policenama-100′ marketplace=’IN’ link_id=’7905238b-d10d-11e8-99aa-df652b5a4c35′]