पुणे : पोलीसनामा ऑनलाईन
वानवडी पोलीस ठाण्यातील तपास पथकाने केलेल्या कारवाईत दोन वाहन चोरांना अटक केली आहे. या चोरट्यांकडून पाच गुन्हे उघडकीस आले असून त्यांच्याकडून १ लाख २० हजार रुपये किंमतीच्या ५ दुचाकी जप्त करण्यात आल्या आहेत. ही कारवाई बुधवारी (दि.२६) करण्यात आली.
रविंद्र उर्फ वकाशा बाळासाहेब भोसले (वय-२१ रा. पाण्याचे टाकी जवळ तरवडे वस्ती महमदवाडी, पुणे), अक्षय उर्फ बॉन्ड्या बाळासाहेब सोनावणे यांना अटक करण्यात आली आहे.
[amazon_link asins=’B0784D7NFX,B071HWTHPH,B078BNQ313′ template=’ProductCarousel’ store=’policenama-100′ marketplace=’IN’ link_id=’53238a35-c309-11e8-a704-cd4b47a07e9e’]
वानवडी पोलीस ठाण्यातील तपासी पथकाचे पोलीस शिपाई देशमुख यांना वाहन चोरी करणारे गुन्हेगार हद्दीमध्ये येणार असल्याची माहिती मिळाली. पोलिसांनी भसोले आणि सोनवणे यांना ताब्यात घेऊन चौकशी केली. चौकशी दरम्यान त्यांनी वानवडी, कोंढवा, हडपसर, कोरेगाव पार्क पोलीस ठाण्याच्या हद्दीतून दुचाकी चोरल्याची कबुली दिली. पोलिसांनी १ लाख २० हजार रुपये किंमतीच्या ५ दुचाकी जप्त करुन पाच गुन्हे उघडकीस आणले आहेत. पुढील तपास वानवडी पोलीस करीत आहेत.
सदरची कारवाई परिमंडळ-५ चे पोलीस उप-आयुक्त प्रकाश गायकवाड , वानवडी विभागाचे सहायक पोलीस आयुक्त मिलिंद पाटील, वरिष्ठ पोलीस निरीक्षक सयाजी गवारे, पोलिस निरीक्षक (गुन्हे) रावसाहेब भापकर, यांच्या मार्गदर्शनाखाली सहायक पोलीस निरीक्षक आसाराम शेटे, सहायक पोलीस फौजदार रमेश भोसले, पोलीस हवालदार निसार खान, पोलीस शिपाई योगेश गायकवाड, पोलीस शिपाई नवनाथ खताळ, पोलीस शिपाई सुधीर सोनवणे यांच्या पथकाने केली.