पुणे : पोलीसनामा ऑनलाईन – येरवडा येथील कंजारभाट वस्तीमध्ये असलेल्या श्रीकृष्ण मंदीरासमोर गांजा विक्रीसाठी आलेल्या एका महिलेला येरवडा पोलिसांनी सापळा रचून अटक केली. अटक करण्यात आलेल्या महिलेकडून ४ हजार २२० रुपयांचा २५० ग्रॅम वजनाचा गांजा जप्त करण्यात आला आहे. ही कारवाई गुरुवारी (दि.१) करण्यात आली.
चमेलीबाई पदेडीयासिंग बांटुंगे (वय-६५ रा. कंजारभाट वस्ती, येरवडा) असे अटक करण्यात आलेल्या महिलेचे नाव आहे.
ही कारवाई परिमंडळ ४ चे पोलीस उपायुक्त प्रसाद अक्कानवरु, येरवडा विभागाचे सहायक पोलीस आयुक्त गणेश गावडे, वरिष्ठ पोलीस निरीक्षक दिनकर मोहीते, पोलीस निरीक्षक (गुन्हे) बालवडकर यांच्या मार्गदर्शनाखाली, तपास पथकाचे पोलीस उप निरीक्षक रविंद्र गवारी, सहायक पोलीस फौजदार बाळासाहेब बहिरट, पोलीस हवालदार हणमंत जाधव, अजिज बेग, गणेश कुंवर, मनोज कुदळे यांच्या पथकाने केली.
जाहिरात
ई – टॉयलेटमध्ये स्फोट; नागरिक भयभीत
नवी मुंबई : घणसोली येथील ई – टॉयलेटमध्ये स्फोट झाल्याची धक्कादायक घटना आज दुपारी घडली आहे. या स्फोटात कोणीही जखमीझालेलं नाही. मात्र, या स्फोटामुळे झालेला आवाज आणि पत्र्याचे लांबपर्यंत उडालेल्या तुकड्यामुळे नागरिकांमध्ये भीतीचे वातावरण निर्माण झाले होते. हा स्फोट नेमका कशामुळे झाला याचा स्थानिक पोलीस तपास करत आहेत. या स्फोटाचे कारण अद्याप कळू शकलेलं नाही.
जाहिरात