मुंबई : पोलीसनामा ऑनलाईन – ज्येष्ठ अभिनेत्री शबाना आझमी यांना स्वाईन फ्लूची लागण झाली आहे. त्यामुळे त्यांना रुग्णालयात दाखल करण्यात आले आहे. त्यांच्यावर उपचार सुरू आहेत. त्यांना सर्दी-खोकल्याचा त्रास होता. यावेळी त्या तपासणीसाठी गेल्या होत्या यावेळी चाचणी केल्यानंतर शबाना यांना स्वाईन फ्लूची लागण झाल्याचे समोर आले. सध्या त्यांच्यावर उपचार सुरू आहेत.
हॉस्पिटलाईज झाल्यामुळे मला विसाव्यासाठी वेळ मिळत आहे असे सांगत त्यांनी आपल्या प्रकृतीबाबत माहिती दिली आहे. त्या म्हणाल्या की, “मला शांत बसून आत्मचिंतनासाठी फार कमी वेळ मिळतो. मात्र आता जबरदस्ती विश्रांती घ्यावी लागत आहे. मी कुठल्याही डुकराच्या संपर्कात नाही आले. मी रुग्णालयात असून वेगाने रिकव्हरी होत आहे” असंही शबाना आझमींनी सांगितलं.